Në kulmin e debatit politik për reformën zgjedhore del edhe raporti i OSBE/ODIHR për zgjedhjet e 25 qershorit ku janë vërejtur mjaft parregullsi. Në reagim të këtij raporti kreu i KQZ, Klement Zguri tha se është një udhërrëfyes dhe duhet ti shërbejë çdo aktori për tu përmirësuar. “Komisioni Qendror i Zgjedhjeve do t’i marrë ato seriozisht si çështje prioritare të agjendës së vet për të analizuar problematikën e hasur gjatë procesit zgjedhor dhe për të hartuar një paketë me propozime për zgjidhjen sa më efikase të tyre”, u shpreh ai.
“Si Kryetar i KQZ-së e siguroj opinionin publik se menjëherë pas zgjedhjeve, institucioni që unë drejtoj, ka nisur punën për riaktivizimin e projektit për ngritjen e Qendrës së Trajnimeve, e cila do të ofrojë trajnime të rregullta dhe do çertifikojë anëtarët potencialë të KZAZ-ve, KQV-ve dhe grupeve të numërimit, për të krijuar rradhën e administratorëve të çertifikuar zgjedhorë (rekomandimi 9). Qendra e Trajnimeve do ketë në kurrikulën e vet, ndër të tjera, cikle të posaçme trainimi për voutesit romë, egjyptianë, si dhe për përfaqësuesit e pakicave kombëtare”.
për financat e fushatës, përpara dhe pas datës së zgjedhjeve”
“Në këtë kuptim, Raporti e gjen KQZ-në gati, të përgatitur dhe optimiste për një reformë gjithëpërfshirëse zgjedhore”, tha kreu i KQZ-së.
Pika 2 raportit të OSBE/ODIHR ishte më e forta e cila thotë: Duhet bërë një angazhim konkret dhe i sinqertë nga partitë politike për të luftuar praktikat e blerjes së votave. Për më shumë, një refuzim publik nga politikanët për të pranuar mbështetje financiare nga individët me të kaluar kriminale do të ndihmonte në ndërtimin e besimit të publikut në integritetin e zgjedhjeve. /Opinion.al
