Në rrjetet sociale u shpërnda një video e një të moshuare nga Durrësi që zbret nga ballkoni i banesës së saj nga një pallat, me pretendimin se ajo ishte dhunuar nga i biri.
Policia reagon për ngjarjen, duke theksuar se gruaja jeton me të birin në të njëjtën banesë dhe se djali i saj në momentin e ngjarjes kishte dalë nga shtëpia duke mbyllur derën me çelës.
“Uniformat blu kanë shoqëruar të dy personat e lartpërmendur dhe nuk është konstatuar që e ëma të jetë dhunuar nga i biri. E ëma vuante nga skleroza“, sqaron policia.
“Drejtoria Vendore e Policisë Durrës falënderon çdo shtetas për sensibilizimin e paraqitur në raste të tilla duke ju garantuar se uniformat blu nisur nga rastet konkrete do zbatojnë procedurat ligjore”.
