Pandemia COVID-19 vijon të përhapet me ritme të shpejta në të gjithë botën, ndërsa shumë shkencëtarë vijojnë kërkimet për krijimin e një vaksine të sigurt anti-COVID.
Deri më tani vetëm Rusia ka miratuar një vaksinë zyrtare kundër COVID-19, ndërsa ka filluar që ta shpërndajë atë dhe në shtete të tjera.
Mediat në Venezuelë raportojnë se djali dhe motra e presidentit Nicolas Maduro do të jenë pjesë e 2000 vullnetarëve në vend që do të marrin vaksinën ruse, si pjesë e testimeve të fundit klinike të saj.
Në një komunikim me mediat, presidenti Maduro u shpreh se e mbështet vendimin e djalit të tij duke shtuar se dhe ai është i gatshëm të jetë ndër të parët persona që të marrë vaksinën Sputnik V sapo ajo të jeta gati për përdorim masiv.
Venezuela ka raportuar zyrtarisht 77 mijë raste me koronavirus dhe 650 viktima që nga nisja e pandemisë, por mendohet se shifrat mund të jenë dhe më të larta.
Megjithatë, ekspertët e shëndetësisë kanë ngritur dyshime nëse vaksina ruse ka kaluar në të gjitha hapat e nevojshëm dhe nuk kërcënon jetën e qytetarëve./ Opinion.al
