Një tjetër ndërprerje energjie elektrike ka mbërthyer kryeqytetin e Venezuelës, Karakasin, duke e zhytur sërish në errësirë e duke prekur edhe rajone të tjera, ndërsa qeveria fajësoi për ngjarjen një sulm elektromanjetik.
Si pasojë e kësaj gjendjeje, rrugët u mbushën me njerëz, pasi sistemi i metrove nuk funksiononte dhe autobusët ishin të tejmbushur.
Mungesa e energjisë pengoi gjithashtu përdorimin e kartave të kreditit dhe debitit që janë të domosdoshme për shkak të mungesës së parave kesh në Venezuelë, pasi vendi është gjunjëzuar nga inflacioni, si dhe u mbyllën dyqanet dhe restorantet.
“Të dhënat e para sipas një hetimi, të çojnë të mendosh për ekzistencën e një sulmi elektromagnetik që kishte si qëllim të prekte sistemet hidroelektrike të Guajanës –, tha Ministri i Komunikimit Jorge Rodrigez në një deklaratë për shtyp.
Ndërprerjet e energjisë janë të shpeshta në Venezuelë, vend në të cilin ekonomia është duke u përballur me inflacion tejet të lartë, si dhe ka mungesa të mëdha të ushqimit dhe ilaçeve./Opinion.al
