Venecia po përgatitet për një “valë përmbytjesh”, që mund të “pushtojë” të gjithë qytetin. Autoritetet kanë parashikuar që uji mund të arrijë deri në 1.6 metra.
Kryetari i qytetit Luigi Brugnaro, ka shpallur gjendje emergjente pas dëmeve të mëdha të shkaktuara.
Guvernatori i rajonit Veneto, Luca Zaia, kishte thënë se një person ka vdekur, ndonëse ende nuk janë bërë të ditura shkaqet.
Mediat italiane kanë raportuar ditë më parë se një 78-vjeçar ka vdekur si pasojë e një shoku elektrik, pasi ujërat kanë hyrë në shtëpinë e tij.
Turistë të shumtë janë parë duke ikur nga vendi para se shërbimi i transportit të pezullohet në pritje të vërshimeve të dielën./ Opinion.al
