Kreu i Partisë Demokratike, Sali Berisha, gjatë konferencës së sotme për mediat, ka deklaruar se vendimi i Entit Rregullator të Energjisë për rritjen e çmimit të energjisë për konsumatorët që shpenzojnë mbi 800 KW, prek 60% të qytetarëve shqiptarë.
Sipas Berishës po ashtu do të preket edhe shtresa e mesme.
“PD garanton se nga kjo rritje do preken të paktën 60% e qytetarëve shqiptarë, dhe preket e tërë shtresa e mesme, goditet shtresa e mesme. Edi Rama do përgjigjet për këtë vendim në një kohë që udhëton vetë me dhjetëra milion euro charter”, tha Berisha.
