Këshilli i Ministrave ka miratuar vendimin për masën e financimit të komuniteteve fetare dhe referuar vendimit do të financohen 109 milion lekë, për vitin 2019 dhe kalimi i fondeve do të të bëhet brenda muajit prill.
Por sa para përfitojnë komunitet fetare?
Sipas vendimit, Komuniteti Mysliman i Shqipërisë përfiton 31 824 000 (tridhjetë e një milionë e tetëqind e njëzet e katër mijë), Kisha Ortodokse Autoqefale e Shqipërisë përfiton 25 740 000 (njëzet e pesë milionë e shtatëqind e dyzet mijë) lekë, Kisha Katolike në Shqipëri përfiton shumën 25 740 000 (njëzet e pesë milionë e shtatëqind e dyzet mijë) lekë, ndërsa Kryegjyshata Botërore Bektashiane përfiton shumën 25 696 000 (njëzet e pesë milionë e gjashtëqind e nëntëdhjetë e gjashtë mijë) lekë. /Opinion.al
