Biznesmeni Astrit Veliaj merr mandatin e deputetit. Vendimi sapo është marrë nga Komisioni Qendror i Zgjedhjeve.
KQZ ka vendosur në mënyrë unanime me 7 vota pro, që mandatin e lënë nga deputeti Eduard Halimi, ta marrë Astrit Veliaj që vjen i dyti në listën e PD per kete qark.
Veliaj e merr mandatin që dorëzoi Eduard Halimi, pasi dy gratë e listës Juvina Jani dhe Monika Qosja vunë në dijeni KQZ se dorëhiqen nga mandati i deputetit dhe për rrjedhojë nuk kanë sjellë në KQZ as formularin e dekriminalizimit.
Astrit Veliaj ka paraqitur gjithë dokumentacionin dhe formularin e dekriminalizimit.
Debati në komision ishte procedurial dhe në fund të mbledhjes me unanimitet u kalua mandati të dytit në qarkun e Beratit, Astrit Veliaj.
Ai ka qene deputet i PD edhe legjislaturen e kaluar.
