Misioni i OSBE-ODIHR ka dalë në konferencën e parë për mediat pas zgjedhjeve vendore të 14 Majit.
Gjatë fjalës së tij, përfaqësuesi i Kongresit të Autoriteteve Vendore dhe Rajonale në Këshillin e Evropës, Steward Dickson vuri në dukje disa nga shqtësimet e hasura gjatë procesit të votimit në Shqipëri.
Sipas tij, shqetësimi i parë ka qenë mungesa e përfaqësimit të femrave si kandidate dhe një mungesë aksesueshmërie në qendrat e votimit për personat me aftësi të kufizuar.
Ndërkohë theksoi dy nga problematikat kryesore që sipas tij kanë qenë mungesa e debateve të vërteta mes kandidatëve dhe programet politike.
“Ditë zgjedhjesh e qetë dhe transparente. Mbështetur në përvojën si vëzhgues, ekzistojnë disa shqetësime lidhur me Shqipërinë: Përfaqësimin e ulët të femrave si kandidate dhe një mungesë aksesueshmërie në qendrat e votimit për zgjedhësit me aftësi të kufizuara. Të gjitha këto kanë sjellë probleme të tjera dhe herë pas here kanë cënuar procesin e zgjedhjeve. Të adresohen si prioritetet. Na erdhi keq që disa çështje me interes zgjedhor u lanë në hije si rezultat i një fushate të polarizuar.
Zgjedhjet vendore duhet të jenë një mjet për njerëzit që ata të vendosin se për kë duhet të votojnë. Ne jemi të shqetësuar se në fakt munguan debatet e vërteta dhe programet politike vendore. Delegacioni jonë inkurajon autoritetet lidhur me kandidatët e pavarur. Ne do të përgatisim disa rekomandime që do të paraqiten për miratim në sesionin e Stasburgut në Tetor”, tha Dickson./Opinion.al
