“Vendimin për Dajtin e kam dhënë të bazuar në ligj dhe në bindje të brendshme. Vendimi i dhënë nga unë është i kundërshtueshëm. Mund t’i bëhet rekurs në Gjykatën e Lartë”. Kështu ka deklaruar gjyqtari Skënder Damini, i cili këtë të premte kaloi disa orë në polici, pasi gjatë kontrollit të ushtruar në shtëpinë e tij në Tiranë iu gjetën rreth 17 mijë euro dhe si edhe një krëhër me fishekë “Makarov”.
“As nuk e dija që ishin aty, por mund ta provoj me dokumente, që janë të djalit”, ka thënë ai, mëson Opinion.al, ndërsa ka shprehur gatishmëri të lërë telefonin e tij në duart e oficerëve.
Gjyqtarja Liljana Baku urdhëroi kontrollin e banesave të 3 gjyqtarëve që i dhanë 25 vite burgim Dritan Dajtit. Me mandatin që i referohej një informacioni po të policisë, e cila dyshon se 3 gjyqtarët kanë dhënë në favor vendimin për Dajtin të tunduar nga korrupsioni, grupi operacional kontrolloi banesat e gjyqtarëve Petrit Aliaj, Aleks Nikolli dhe Skënder Damini. Në banesat e Petrit Aliajt në Sarandë dhe të Aleks Nikollit në Lezhë nuk u konstatua asgjë e dyshimtë.
Por nuk mbaron këtu! Avokati i gjyqtarit Skënder Damini ka thënë në një intervistë për Top Channel se do të kërkojnë dëmshpërblim moral. “Do të presim me qetësi hetimet dhe më pas besoj se Damini do të kërkojë në rrugë ligjore dëmin moral që i është shkaktuar”, ka thënë avokati.
LEXO EDHE: Gjyqtarët e Dajtit, njëri nuk gjendet. Misteret e aksionit
