Ministri i jashtëm grek, Nikos Kotzias, duket se ka mbetur i kënaqur me vendimin e Qeverisë shqiptare për varrezat e ushtarëve grekë në jug të vendit.
“Besoj se vendimi që u mor më 13 dhjetor dhe u publikua dje, sipas të cilit rregullohen çështjet e varrezave të ushtarëve grekë, përbën një hap kolosal edhe për t’u qetësuar shpirti i të rënëve – siç thotë populli. Por edhe një hap i besimit ndërmjet të dy vendeve tona”, tha Kotzias gjatë një konference për mediat.
Vendimi vjen disa ditë pas takimit të ministrit Ditmir Bushati në Kretë me homologun grek, ku u shtruan për diskutim të gjitha çështjet e mbartura mes dy vendeve.
