Nënkryetari i Lidhjes Demokratike të Kosovës (LDK), Haki Rugova, ka paralajmëruar se Projektligji i shënimit të vijës kufitare me Malin e Zi mund të votohet në mënyrë të fshehtë. “Asnjëherë nuk dihet si do të jetë votimi, sepse ajo është votë e fshehtë.
Ka mundësi që ata deputetë të cilët kanë thënë se nuk e votojnë, do ta votonin dhe ata që nuk janë deklaruar fare nuk e votojnë. Është diçka për të cilën nuk mund ta garantojë. Një gjë garantoj:
LDKja e ka qëndrimin e vet politik të cilin e ka marrë Këshilli i Përgjithshëm i partisë dhe unë jam i prirë më i respektu vendimet e organeve të partisë”, ka thënë Rugova për “Indeksonline”.
Më tej Rugova nuk ka dashur të flasë në emër të të gjithë deputetëve të LDKsë nëse mbështetet një votim i fshehtë nga ky subjekt dhe ka shtuar:
“Unë jam kryetar komune dhe pjesë e Kryesisë së LDKsë, po flas nga ky nivel. Unë jam duke thënë se qëndrimet politike janë këto, mirëpo asnjëherë nuk bëj presion në asnjë deputet në vullnetin e tij. Çka ndodh tutje është një çështje tjetër për të cilën partia do të diskutojë përsëri”.
