Endrit Molla është shkarkuar ditën e sotme nga posti i zv.ministrit të Ministrisë së Infrastrukturës dhe Energjisë.
Mësohet se ky vendim është marrë gjatë mbledhjes së zhvilluar nga Këshilli i Ministrave mes një sërë vendimesh të tjera.
Në vend të Mollës është emëruar Ami Kozeli si zëvendësministër i Infrastrukturës dhe Energjisë.
“Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Ami Kozeli emërohet zëvendësministër i Infrastrukturës dhe Energjisë. Ky vendim hyn në fuqi menjëherë dhe botohet në “Fletoren zyrtare””, thuhet në vendim.
Në mungesë të kryeministrit Edi Rama, vendimet e datës së sotme janë firmosur nga zv/kryeministrja Belinda Balluku e cila drejton edhe MiE./Opinion.al
