Banorët e Zharrëz që qendronin përpara Ministrisë së Energjisë që prej të shtunës janë shpërndarë mesditën e sotme. Protesta quhet e mbyllur pasi ata i realizuan qëllimet e tyre.
Avokati i banorëve, Adriatik Lapaj tha për Opinion.al se protesta u ndërpre sepse u realizuan 3 kërkesat, të cilat janë si mëposhte:
1- Urdhëri i ministrit Gjiknuri për ndalimin pergjithmone të injektimit të ujit teknologjik në formacionet gelqerore të Zharrëzes
2- Urdhëri i ministrit Koka për dëmet mjedisore
3- Vendimi i Qeverisë për dëmshperblimet e banesave të dëmtuara
Siç bëri të ditur Niko Peleshi që me sa duket ka drejtuar mbledhjen e qeverisë pasi Rama ndodhet në Shkodër banorët do dëmshpërblehen në masën 100 për qind për dëmet në shtëpitë e tyre. Qeveria e mori këtë vendim nga presioni i banorëve që u futën në grevë urie, bënë mbi 100 km në këmbë nga Zharrëza e Fierit në Tiranë dhe qendruar natë e ditë në dyert e Ministrisë së Energjisë. Këto dëme do paguhen nga buxheti i shtetit, pra nga taksat e qytetareve edhe pse janë shkaktuar nga kompania e naftes Bankers Petrolium.
/Opinion.al
