Kryetari i Komisionit të Ligjeve, Ulsi Manja, ka folur në lidhje me vendimin e presidentit Ilir Meta për të anuluar zgjedhjet e 30 qershorit.
Manja është shprehur se vendimi i presidentit është një akt nul dhe se ai ka të drejtë të dekretojë datën e zgjedhjeve por jo ta anuloi atë.
Sipas tij, Meta i ka dhënë vetes kompetencat e një Presidenti të zgjedhur nga populli, ndërkohë që në nenin 1 të Kushtetutës, Shqipëria përcaktohet si Republikë Parlamentare.
“Është një akt nul, pasi nuk ka asnjë pasojë juridike. Presidenti ka 12 kompetenca, një prej tyre caktimi i datës së zgjedhjeve. Por në asnjë nen të saj nuk u jepet kompetencë për të zhdekretuar datën e zgjedhjeve. Me këtë veprim që Meta bërë zhdekretoi vetveten. Në këtë logjikë që nuk është kushtetuese, Presidenti mund të bëjë gjithçka. Ai ka marrë anë dhe mund të bëjë çdo gjë”, u shpreh Manja./ Opinion.al E.Xh.
