Pas vendimit të Komisionit Europian , i cili rrëzoi kërkesën e Holandës për rikthimin e regjimit të vizave për qytetarët shqiptarë, ka reaguar dhe ministri i Jashtëm i këtij vendi, Stef Blok.
Ministri i Jashtëm i Holandës, u shpreh në një dalje për mediat se Shqipëria duhet të luftojë krimin e organizuar, shqetësim ky që prek dhe Holandën.
Po ashtu, Blok kërkon që Shqipëria të marrë mbrapsht të gjithë shqiptarët që kanë kërkuar azil në vendet e BE-së.
Në të njëjtën linjë ka qenë dhe ambasada e Holandës në Tiranë: “Vendi ynë do të punojë me Shqipërinë për të parë se si shqetësimet tona në lidhje me krimin e organizuar, aplikimet e pabazuara për azil dhe klandestinët që përpiqen të kalojnë në Mbretërinë e Bashkuar nëpërmjet porteve të Holandës, mund të adresohen në mënyrë efikase”, thuhet në deklaratë./ Opinion.al E.Xh.
