Politikë

Vendimi i KAS për listat e PD-së, Kaso: Kjo është vetëm fitorja e parë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:51 - 23/03/21 |
Opi Nion

Pas vendimit të Komisionit të Ankesave, i cili pranoi listën e plotë të kandidatëve të PD-së në zgjedhjet e 25 prillit vjen dhe reagimi nga Partia Demokratike.

Në një dalje për mediat, Ivi Kaso ka thënë se kjo është vetëm beteja e parë e fituar nga PD, ndërsa beteja më e madhe është ajo e 25 prillit.

“Tani koalicioni ynë konkurron me potencialin e tij të plotë si njerëzor edhe të programit, kjo është vetëm beteja e parë e fituar, beteja më e madhe është e 25 prillit, qytetarët e dinë që këto zgjedhje nuk janë për Ramën e Bashën, por vendosin të ardhmen dhe integrimin në BE. Njerëzit e dinë që kjo nuk mund të bëhet nga Edi Rama, i cili dështoi për 8 vjet dhe na la mbrapa të gjitha vendeve të tjera. Njerëzit do të votojnë për Lulzim Bashën, misioni i të cilit është të ndërtojë në Shqipëri një qeveri evropiane, të përgjegjshme dhe me një fytyrë njerëzore. Asgjë nuk do të na ndalojë të sjellim ndryshimin në Shqipëri me njerëzit tanë të mrekullueshëm, të cilët kanë nevojë dhe e duan kaq shumë ndryshimin!  Ne do ta bëjmë të mundur këtë në 25 Prill me ndihmën e të gjithë shqiptarëve”, tha Kaso./Opinion.al

Pas