Deputeti Gazment Bardhi, ka reaguar pas vendimit të KAS, i cili lejoi që PD të regjistrohet në zgjedhjet e 14 Majit, pasi të ketë dorëzuar deklaratën solemne, të firmosur nga Alibeaj në cilësinë e kryetarit të komanduar të PD.
Në një status në rrjetet sociale, Bardhi e cilëson vendimin e mëparshëm të kreut të KQZ, Ilirjan Celibashi për mos regjistrimin e PD në zgjedhje si qokë politike ndërsa shkruan se Celibashi është “nongrata” për PD.
“Qokat politike nuk e kanë të gjatë kur bëhen në kurriz të ligjit. Ilirjan Celibashi është “nongrata” për PD dhe nuk gëzon asnjë besim për administrim të paanshëm, profesional dhe ligjor të zgjedhjeve të 14 Maj. Zvarritja 10 ditore në shkelje të ligjit ka cënuar rëndë zgjedhjet!”-shkruan Bardhi.
