Ministrja e Shëndetësisë Ogerta Manastirliu ka reaguar pas vendimit që EMA ka dhënë për vaksinën AstraZeneca.
Nëpërmjet një postimi në “Facebook” duke ju referuar Autoritetit Rregullator të Barnave te Bashkimit Evropian shkruan se Astra-Zeneca është një vaksinë e sigurtë dhe efektive
“ PO NDODH EMA (Autoriteti Rregullator i Barnave i Bashkimit Evropian):
“Kemi mbërritur në një konkluzion të qartë shkencor. Astra-Zeneca është një vaksinë e sigurtë dhe efektive. Përfitimet janë shumë herë më të mëdha se sa risqet. Vaksina nuk shoqërohet me një rritje të rrezikut të përgjithshëm të ngjarjeve tromboembolike ose mpiksjes së gjakut. Provat në botën reale, sugjerojnë që vaksina ka një efektshmëri edhe më të lartë se sa ajo e treguar gjatë testeve”, shkruan Manastirliu.
Kujtojmë që EMA ka dalë sot me një vendim në lidhje me vaksinën AstraZeneca, teksa e ka konsideruar të sigurt dhe efektive. Shumë shtete, kryesisht në Europë e kanë pezulluar këtë vaksinë me pretendimin se shkaktonte mpiksje gjaku. Një veprim i tillë ka bërë që procesi i vaksinimit të pezullohet dhe të ngadalësohet./Opinion.al
