Elisa Spiropali, ministrja e Shtetit për Marrëdhëniet me Parlamentin, ka folur në lidhje me votimin e pak ditëve më parë të Budestagut, i cili autorizoi qeverinë gjermane të votojë pro hapjes së negociatave të Bashkimit Eurpoian me Shqipërinë.
Gjithashtu në këtë votim u theksuan dhe nëntë kushte që Shqipëria duhet të plotësojë për integrimin e saj në BE. Lidhur me këtë vendim, Spiropali është shprehur se ato kushte ishin të pritshme, duke theksuar se janë me qindra kushte të tjera që Shqipëria do duhet të plotësojë pas çeljes së negociatave.
“Shumica qeveritare në Bundestag i ka dhënë Qeverisë dhe kancelares Merkel “dritën jeshile” për të votuar pro çeljes së negociatave me Shqipërinë në Këshillin Evropian. Është një lajm jashtëzakonisht i mirë duke patur parasysh debatet që bëhen brenda grupit CDU/CSU, dhe influencat e tjera që shpesh vijnë nga Shqipëria drejt këtyre vendeve për të shtuar presionin. Sigurisht ato nuk janë kushte që ne nuk i presim. Nuk janë vetëm nëntë, janë me qindra e me mijëra që ne duhet të plotësojmë pas çeljes së negociatave”, tha Spiropali./ Opinion.al E.Xh.
