Ish presidenti francez Nicolas Sarkozy është shpallur fajtor për korrupsion.
Ish presidenti u dënua fillimisht me 3 vite heqje lirie. Më pas gjyakta i uli 2 vite të dënimit të tij.
Ndërkaq Gjykata ka marr si përfundim vendimin se ish-presidenti nuk kishte pse ta vuante dënimin me burg. Ai mund ta kryej këtë nga shtëpia duke iu vendosur një byrzylyk elektronik në këmbë, transmeton CNN.
66-vjeçari është presidenti i parë që është dënuar me burg në historinë moderne të Francës. Prokurori i Parisit kishte kërkuar një dënim me dy vjet burg dhe një dënim me dy vjet pezullim për Sarkozy dhe të bashkëpandehurit e tij, avokatin Thierry Herzog dhe ish-gjyqtarin Gilbert Azibert..
Sarkozy është akuzuar se ofroi një post publik një gjyqtari në këmbi të informacioneve sekrete në lidhje me një hetim, të nisur ndaj tij.
Kujtojmë se Sarkozy, i cili ishte president i vendit nga 2007 në 2012, mohoi të gjitha akuzat kundër tij gjatë gjykimit 10-ditor që u zhvillua vitin e kaluar.
“ Nuk ka ekzistuar kurrë ndonjë marrëveshje e tillë,” i tha Sarkozy gjykatës. “As në kokën time dhe as në realitet. Unë dua të pastrohem nga ky turp, “ përfundoi ai.
Çështja daton që në vitin 2014 pasi hetuesit përgjuan telefonat e Sarkozy dhe Herzog mbi akuzat që ish-presidenti kishte marrë në mënyrë të paligjshme miliona euro nga diktatori i ndjerë libian Muammar Gaddafi për të financuar fushatën presidenciale në 2007-ën./Opinion.al
