Me siguri keni lexuar shumë parashikime horoskopi, qofshit apo jo supersticioz. Nga ana tjetër, nëse diku iu është shfaqur një artikull “Vendet që duhet të vizitoni patjetër”, nuk e keni anashkaluar. Astrologia Janelle Belgrave i ka shkrirë këto të dyja në një, duke iu sugjeruar vendet që duhet të vizitoni në 2018 bazuar te shenja e horoskopit.
Dashi
Duke qenë se Urani e la shenjën tuaj pas 7 vitesh qëndrim, ka ardhur koha të shijoni rilindjen tuaj dhe të jetoni sërish jetën në maksimum! Phu Quoc, Vietnam është vendi ideal që ju të shpenzoni disa ditë, nëse është e mundur, vetëm. Ky destinacion po njihet gjithmonë e më shumë nga turistët. Nuk duhet ta humbisni as ju. Koha e përshatshme për ta vizituar janë muajt Tetor deri në Dhjetor.
Demi
Edhe pse jeni një shenjë që parapëlqeni monotoninë, ka ardhur koha të dilni nga zona e rehatisë. Këtë pranverë Urani do të vijë në shenjën tuaj. Nuk ka kohë më përfekte se kjo për të provuar gjëra të reja. Shkoni në ishullin Paros, Greqi për verë të mirë, ushqim të shijshëm dhe pamje mbresëlënëse.
Binjakët
Tani që Saturni te Shigjetari nuk ndikon më në shenjën tuaj, do të merrni frymë më lirisht. Ka ardhur koha të vizitoni një vend që ju lejon të flisni dhe të ndërveproni me vendasit. Aventura që iu nevojitet tani është një destinacion i largët ku të harroni luksin dhe të mos njihni gjuhën. Udhëtoni drejt Marrakeshit, në Marok. Njihuni me një kulturë të re të paharrueshme.
Gaforrja
Ju i shijoni vendet dhe eksperiencat e reja vetëm nëse ndiheni si në shtëpi dhe pranë familjes. Boca Chica në Republikën Domenikane është vendi ideal. Vendasit janë shumë miqësorë dhe do iu afrohen menjëherë, qoftë për t’ju ftuar në një lojë volejbolli. Do të jeni edhe pranë detit, pa të cilin ju nuk bëni dot. Ujrat e qeta të këtij plazhi e bëjnë Boca Chicën destinaciopnin ideal tuajin.
Luani
Destinacioni ideal për ju është një vend që iu lejon të shpreheni dhe të jeni original. Kudo që behët një festival apo concert do të ishte idel për ju. Këtë vit shijoini Karnavalet në Rio de Zhaneiro nga afër. Nëse nuk arrini dot Karnavalet, pritja e vitit të ri në plazhin e Copacabanës është e përsosur gjithashtu.
Virgjëresha
Virgjëresha adhuron detajet, ndaj çdo vend që ofron art, muze, punime artizanale bën për ju. Jaipur, Indi është një vend magjepsës. Shëtisni në Pazar dhe vende të tjera turistike për një eksperiencë të paharrueshme.
Peshorja
Ju doni vetëm të rrethoheni nga e bukura, dhe Hokkaido në Japoni jua plotëson këtë nevojë e plot të tjera. Mos i humbisni fushat me livando në verë, apo malet Niseko të mbuluara me dëborë në dimër.
Akrepi
Me Jupiterin në shenjën tuaj këtë vit do të kërkoni dëshpërimisht zgjerimin e horizonteve dhe tranformimin e tyre.planifikoni një udhëtim që promovon shërimin. Fluoir në Islandë do iu frymëzojë pafund dhe do të jeni gati të përballoni çdo sfidë pas saj.
Shigjetari
Pas dy vitesh të gjata, Saturni,- planeti isfidave dhe kufijve e la shenjën tuaj. Kjo përkthehet në një gjendje festive dhe nevojë për të celebruar maturitetin tuaj. Një udhërim në Zagreb të Kroacisë do ju zgjerojë horizontet dhe do të jetë më shumë një pushim sipërfaqësor.
Bricjapi
Përgjegjësia dhe Autoriteti janë fjalët kyçe të bricjapit këtë vit. Duhet të mësoni si të çliroheni pak, dhe ku më mirë se në Berlin do ta arrini? Është vendi ideal që përshtatet me ndjeshmërinë, shijet e ushqimit, pamjet dhe vitrinat e dyqaneve.
Ujori
Këtë vit është e sugjerueshme që ju t’i lini mënjanë mendimet dhe zakonet që po ju pengojnë ta shijoni jetën. Planifikoni një udhëtim që të kaloni kohë me njerëzit e afërt në Pyeongchang të Kosesë së Veriut. Mund ta vizitoni këtë vend gjatë periudhës së Lojrave Olimpike 2018. Është pikërisht eksperienca që keni nevojë.
Peshqit
Nëse doni të arrini qëllimet tuaja, këtë vit duhet të qëndroni me këmbë në tokë. Ju si shenjë thithni shumë nga energjia e njerëzve rrotull. Nëse doni të shkëputeni, Melbourne në Australi është vendi i përsosur. Ka gjithçka që i nevojitet një peshku: galeri arti, klube nate etj.
