Kryeministri Edi Rama ka reaguar pas lajmit të infektimit të dy vëllezërve Budina me koronavirus. Në një postim në Facebook, kreu i qeverisë Rama shkruan se i vjen keq, por uron që ta kalojnë sa më lehtëm teksa apelon për kujdes maksimal.
“Më vjen sinqerisht keq që dy vëllezërit Budina kanë rezultuar pozitiv në testin për Covid19! U uroj ta kalojnë sa më lehtë dhe të kenë shërim të shpejtë! Të gjithë duhet të bëjmë kujdes maksimal sepse virusi s’ka ikur dhe po përfiton nga neglizhenca e qytetarëve ndaj rregullave” shkruan Rama.
Sipas burimeve mediatike, dy vëllezërit, Edmond dhe Robert Budina, janë infektuar me COVID. Dy nga përfaqësuesit e Aleancës për Teatrin, kanë qenë në disa qytete për të mbledhur firmat për peticionin për Teatrit Kombëtar./Opinion.al
