I ftuar në “Xing me Ermalin” çifti Tuna dhePatris u bënë objekt bisede gjatë kësaj fundjave me deklaratat e bëra gjatë emisionit. I pyetur për konfliktin e bujshmëm mes Tunës dhe Robertit, Patrisi tha se “vëllau si shkjau”, një shprehje që përdoret në Kosovë.
Por çfarë mendon Roberti për këtë deklaratë të të vëllait? Këngëtari ishte i ftuar këtë mëngjes në “Report Tv”. I pyetur rreth kësaj çështje ai u përgjigj se ai e njeh shumë mirë Patrisin. Dhe ai me siguri e ka thënë me humor atë shprehje.
“Janë disa thënie të këtij tipi në Kosovë. Dhe e kam menduar si shaka duke qenë se e njoh Patrisin shumë mirë është çun shumë i mirë dhe pozitiv. Patrisi e tha atë që duhet thënë. Mua mu dukën shumë mirë aty dhe shpresoj që t’i shoh gjithë jetës mirë. Secili ka familjen e vet. Di sa jemi të lidhur familjarisht ne të Berishajve. Të gjithë e dinë, madje ka disa komente aty në ‘Youtube’, njerëz që më njohin mua më herët, se çfarë kam bërë për familjen e vëllain. Të gjithë duhet të bëjmë për familjen sigurisht. Kështu që unë besoj që e vërteta gjithmonë del. Ndoshta kam bërë gabim dhe unë që kam folur, dhe ata që e kanë dhënë intervistën. Unë i uroj shumë sukses, shëndet djalit të tyre dhe me kaq të përmbyllet çdo muhabet”,- ; u shpreh Roberti
