Pak ditë më parë Enkeleda Çapoku u vra nga vëllai i burrit të saj, Erdet Çapoku. Lidhur me ngjarjen e rëndë ka reaguar edhe burri i viktimës, Elton Çapoku, i cili aktualisht ndodhet në burg.
Gjatë një lidhje telefonike për “News24”, Elton Çapoku, ka kërkuar dënim maksimal për vëllain e tij të cilin e ka cilësuar një monstër.
Çapoku tha nga qelia se i kishte thënë Enkeledës që të bënte denoncimin për vëllain e tij, duke mohuar pretendimet e Erdet Çapokut se vëllai ia kishte lënë porosi për tu kujdesur.
Si e morët vesh ngjarjen?
Kjo është përgjegjësi për shtetin, nusja ime ishte me urdhër mbrojtje dhe ata nuk e mbrojtën, 8-9 muaj doja leje dhe këta nuk më nxorën, nuk mori parasysh shteti asgjë kur ai mostra vuri dorë mbi familjen time, e në moment që ajo mori urdhër mbrojtje që nuk reagoi fare. Për burrat që vënë dorë mbi nënat vajzat, nënat, të mbajë përgjegjësi tu japë burg të përjetshëm.
Ishit në dijeni që e përndiqte ai, pse ishin prishur marrëdhëniet mes tyre?
Ai monstra ishte në shtëpinë time, jetoi atje, dhe e përzuri nusja, se nuk e mbante nga gjendja ekonomike, ai përgjonte, bënte, i kemi thënë të marrë masat shteti, mua më ka shkatërruar shteti. Më kanë lënë gocën rrugëve më kanë prishur jetën, unë i kam pasur marrëdhëniet e mira me të.
Kur e moret vesh faktin qe guaja do bente denoncim?
Nga shtatori kur më tha do bëj denoncim i thashë ik e beje se nuk kisha rrugë tjetër.
Po me vellane keni komunikuar?
Asgjë, i kam thënë të merret me familjen time, kisha muaj që nuk e telefonoja atë mostër, i kam thënë nuk ke punë me familjen time
Kur e keni takuar per here te fundit Enkeleden?
Hera e fundit Enkeledën e kam takuar në shtator së bashku me vajzën, aty më ka treguar dhe i kam thënë të bëjë denoncim, se mua shteti nuk më ka nxjerrë me leje. Kam kërkuar leje, për të qenë në varrim, i solla letrat, por varrimi ishte në 11, por në 11.20 nuk kishte ardhur akoma leja. Po tani si do behet, vjehrra është në hall për vete, kërkoj ndihmë. Lajmin e mora vesh nga shokët, ata më treguan.
Cfare apeli keni?
Dua dënim me vdekje, ose të varur në litar./ Opinion.al
