Belgu Mourad Laachraoiu, vëllai i Najim Laachraoiu, një prej kamikazëve që shpërtheu në aeroportin e Zavantem, në Bruksel të Belgjikës pak muaj më parë, ka fituar sot medaljen e artë në Europianin e taekeondo, që po zhvillohet në Zvicër. Në peshën 54kg, ai ka triumfuar, duke mundur në finale spanjollin Jesus Tortosa Cabrera.
Që kur ndodhën atentatet kamikaze në Belgjikë, Mourad u distancua nga veprimet e vëllait të tij, duke deklaruar se nuk kontakton me të prej muajsh. 21-vjeçari Mourad Laachraoiu erdhi në Belgjikë pasi emigroi nga Maroku bashkë më familjen. Në karrierën e tij ai nuk kishte shkuar kurrë më shumë se faza çerekfinale, por në këtë europian ai arriti të marrë medaljen e artë.
