Anton Skabonda, vëllai i pacientit 60 vjecar Leonard Skabona i cili pak pas mesnate i dha fund jetës duke hedhur nga lartësia në spitalin “Shefqet Ndroqi, ka treguar komunikimin e fundit që ka pasur me vëllain e tij.
Gjatë një lidhje telefonike për “News24”, Anton Skabonda tha se i kishte kërkuar të vëllait të mos shkonte në spital deri sa të merrte përgjigjet e analizave, përgjigje të cilat deri më tani pretendon ai, nuk i kanë marrë ende.
Anton Skabonda thotë se 60-vjeçari ka folur me motrën dhe i ka thënë se në spita nuk i shërbenin. Vëllai thekson se ai duhet të mësojë arsyen përse Leonardi vendosi ti jepte fund jetës duke u hedhur nga spitali.
“Një orë ose dy orë para se të shkonte, i thash mos shko në spital. Kishte bërë edhe testin për Covid por si kishin dhënë përgjigje. Dua të pse me ka vdek vëllai , cfarë ilaçesh i kanë dhënë. Kur ka qenë në spital nuk kam mundur të komunikoj me të. Një shoqe e motrës ka folur, i kanë thënë nuk është në gjendje të rëndë. Ka fol edhe me motrën dhe i ka thënë ‘këtu nuk të shërbejnë’. Dua të di për c’arsye është hedh nga ballkoni. Kur kam folur me të më herët, nuk shprehej i trembur, i sygjerova prit rezultatin e testit më pas shko në spital. Ai e ka marrë vetë spitalin, ka shku e ka marr ambulanca në Laç, por nuk i kanë dhënë përgjigje për testin.” –tha Anton Skabonda.
Iu nënshtrua ekzaminimeve të tjera?
Shoqja e motrës ka fol me spitalin i kanë thënë po bëjmë analizat e tij nuk dimë asgjë si kanë dalë analizat. Kam edhe vllain tjetër në Tiranë, që ka shku me marr trupin dhe nuk i japin përgjigje.
Vëllai juaj kishte fshaqur probleme me shëndetin mendor?
Po, ka qenë i shtruar në spital në Shkodër. Ka pas probleme ka qënë në burg politik në hetuesi. Po pas spitalit ka qenë shumë mirë, është mjekuar ka qenë normal.
Me kë jetontë?
Vetëm jetonte te shtëpia e prindërve. Dy çunat i ka në Belgjikë, ishte i divorcuar.
Në c’vit ka qenë i shtruar?
Këtë vit ka qenë i shtruar para 2-3 muajsh.
Sa ka qëndruar atje?
Është kuruar për një muaj, ka dalë në rregull prej andej
Cfarë kërkoni ju sot?
Unë kërkoj nga spitali diagnozën e saktë të vëllait tim. Përse ka vdekur, pse është hedhur nga ballkoni./ Opinion.al
