Kryetari i Bashkisë së Tiranës, Erion Veliaj, ka reaguar pas gjobës të vendosur nga Komisioni Qëndror i Zgjedhjeve për mos deklarim dhe promovim të aktiviteteve të ndaluara gjatë fushatës elektorale 4 muaj para zgjedhjeve.
Veliaj ka deklaruar se nuk ka shkelur ligjin pasi është detyra e një kryebashkiaku që të punojë. Sakaq, Veliaj konfirmon se do apelojë vendimin e KQZ.
“Jam njohur edhe me lajmin, edhe akuzat. Ishte akuza nga opozita për të ndaluar rindërtimin. Janë të dëshpëruar, duan të ndalojnë procesin. Gjumi nuk mund dot punën. Është e pandershme kur gjobitesh nëse punon, dhe bën me shtëpi njerëz që rrinë me çadër. Ndërkohë nuk gjobitesh nëse bëhesh me 5 vila, gjatë pandemisë dhe tërmetit, madje mund të kandidosh për kryeministër. Një kandidate tjetër ka shitur tre herë shtëpi, është dënuar, dhe kandidon me PD në Rrogozhinë e Kavajë. Nëse bën detyrën si kryebashkiak, që të bësh njerëz me shtëpi, të futen në shtëpitë që janë prokuroruar që vjet, ndërshkohesh. Ka diçka thellësisht amorale. Do e apeloj vendimin. Ka drejtësi në apel, ligji nuk është shkelur:, tha Veliaj.
Më tej Veliaj ka akuzuar opozitën, për të cilët thotë se që të marrin ca vota duhet te ulet ritmi i punës. Ndërsa sa i takon Komisionit Qëndror të Zgjedhjeve, Veliaj ka thënë se kanë marrë përsipër të krijojë kushtet që opozita të futet në lojë.
“Tani që Luli të fitojë ca vota, dhe Monika të futet në parlament, të ulet ritmi i punës. KQZ ka një sëkëlldi shumë të madhe, vjen prej opozitës që iku. Ka marrë përsipër të krijojë kushtet që opozita të futet në lojë. Kanë një mision të vështirë, si nënat tona që duhet të luajë edhe ai qullaci që nuk e kap dot topin”, tha Veliaj për News 24./Opinion.al
