Kryetari i Bashkisë, Veliaj, është bërë baba për herë të parë dje. Ai dhe bashkëshortja Ajola Xoxa u bënë prindër të një djali. Ky fakt duket se ka ndërhyrë në axhendën e tij të punës, pasi Veliaj sot do të merrte pjesë në maratonë. Megjithatë Veliaj ishte i pranishëm për të mbajtur fjalimin hapës të Maratonës së Tiranës. Pasi i përshëndeti të gjithë, ai sqaron pse nuk do të jetë në rrethin e vrapuesve sot.
“Edhe unë do marr pjesë në maratonë, vetëm se do vrapoj për në maternitet meqë u bëra me djalë,” tha kryebashkiaku. Ai shtoi se do të rikthehej në garë vitin tjetër dyfish.
Por tashmë që djali ka lindur, sigurisht të gjithë janë kuriozë për emrin. Veliaj u pyet sot edhe për këtë.
“Do ta them pas pak se dua ta konsultoj edhe me mamanë,” u shpreh ai. Megjithatë Veliaj zbuloi se emri do të jetë me siguri “një emër shqiptar, por edhe tironc”./Opinion.al
