Kryebashkiaku i Tiranës, Erion Veliaj është ndalur ditën e sotme te studentët që duan të vijnë në Tiranë për të jetuar.
Përmes një video-mesazhi në rrjetet sociale, Veliaj shprehet se tashmë ata që duan të zhvendosen në kryeqytet, mund të rezervojnë online dhomën në konviktet e “Qytetit Studenti”.
Veliaj thekson gjithashtu se regjistrimi mund të bëhet fare lehtë, ashtu siç veprohet për një udhëtim apo hotel, përmes aplikacionit “Tirana ime”.
“Hej, përshëndetje të gjithë studentëve që kanë ardhur në Tiranë. Mirë se keni ardhur! Duam të regjistroheni ashtu siç bëni për një udhëtim apo hotel në aplikacionin “Tirana ime”.
Tek aplikacioni mund të regjistroheni për konviktin tuaj që është i ri dhe modern. Mezi presim t’ju kemi pjesë të Tiranës tonë”, thotë Veliaj.
