Përfundon rikonstruksioni i rrugës “Kujtim Laro”, në Njësinë numër 3 në kryeqytet. Ndërsa inspektoi punimet e kryera në këtë rrugë, kryetari i Bashkisë së Tiranës, Erion Veliaj tha se investimet e qeverisë do të vijojnë edhe 3 vitet e ardhshme.
“Më vjen mirë sepse jemi fokusuar te puna. Ky ka qenë vetëm viti ynë i parë dhe banorët e njësisë 3 kanë parë disa investime në kopshte, çerdhe, shkolla dhe infrastrukturë. Kështu do të vijojmë edhe në tre vitet e tjera. E di që shumë qytetarë janë të shqetësuar nëse bashkia do të fillojë të politizohet e të merret me fushatën e sharjeve e shpifjeve. Dua t’i siguroj ata se jam i fokusuar dhe nuk ka asnjë sharje, shpifje dhe asnjë sulm politik që më bën të devijoj nga misioni për t’i shërbyer qytetarëve të Tiranës”.
Rruga “Kujtim Laro” u vjen në ndihmë rreth një mijë familjeve të kësaj zone dhe tashmë përveç asfaltimit dhe trotuareve, ofron edhe sinjalistë moderne dhe rrjet të plotë kanalizimesh.
