Kryetari i Bashkisë së Tiranës, Erion Veliaj ka sqaruar drekën me kreun e prokurorisë së Tiranës, Petrit Fusha, i cili njëherësh është edhe grupin e prokurorëve për dekriminalizimin. Gjatë emisionit “Tonight Ilva Tare”, kryebashkiaku tha se me Fushën njihet prej kohësh dhe se takimi ishte rastësor. Fotoja e tyre bëri xhiron e rrjetit, dhe u komentua si konflikt interesi pasi në prokurorinë e Tiranës janë 7 dosje që po hetohen për bashkinë e Tiranës.
“Unë kam qenë tek Tajavni sepse një ndërmarrje bashkisë po organiozonte një festë ata nuk ishin përgatitur dhe takoj në holl prokurorin që e njoh prej vitesh. Kemi konsumuar një sallatë dhe kemi pirë një birrë. Po të kisha gjë nuk do ta takoja në publik”, tha Veliaj duke sqaruar lidhjen e tij me prokurorin dhe foton e famshme të drekës.
Tare: A kishte konflikt interesi?
Veliaj: Unë me prokurorë me zyrtarë takohem non stop. Unë sot jam takuar me të gjithë drejtuesit e policisë. Aty ishte gazetari i Shkëlzenit e pashë e përshendeta. Unë e kuptoj zellin politik por nuk kam asgjë për të fshehur dhe prandaj u takuam publikisht.
Tare: Çfarë po ndodh me dosjet
Veliaj: Ne kemi dhjetëra dosje. Ne kemi një bashkëpunim korrekt me të gjitha institucionet. Kryetari i bashkisë që duhet të menaxhojë bashkinë më të madhe duhet të takohet.
