“Shtëpitë Studio “Kadare-Agolli” janë kthyer në pak kohë në dy xhevahire turistike për Tiranën.”
Kështu shkruan në postimin e tij në Facebook, kryebashkiaku Erion Veliaj, ku ndër të tjera thekson se këto janë dy hapësirat kulture nga më të vizituarat në qytet, ku gjithkush mund të njihet nga afër me veprat e jashtëzakonshme të dy kolosëve të letërsisë sonë.
Gjithashtu, Veliaj shkroi se në këto dy vende çdo ditë burojnë aktivitete letrare, ku promovohet libri e ku leximi është ushqim për shpirtin.
“Shtëpitë Studio “Kadare-Agolli” janë kthyer në pak kohë në dy xhevahire turistike për Tiranën. Dy hapësira kulture nga më të vizituarat në qytet, ku gjithkush mund të njihet nga afër me veprat e jashtëzakonshme të dy kolosëve të letërsisë sonë, aty ku ata krijuan dhe kanë kaluar edhe pjesën më të madhe të jetës.
Por, ato janë edhe dy vende nga ku çdo ditë burojnë aktivitete letrare, ku promovohet libri e ku leximi është ushqim për shpirtin. Vizitoji sa herë të kesh mundësi”, shkruan Veliaj.
