Përmes një postimi në FB, Kryebashkiaku Veliaj ka publikuar të shtunën imazhet e një projekti, për të cilin ai është shprehur se do të jetë kampusi i ri universitar.
“Nis puna për kampusin e ri universitar. Themi atë që bëjmë, bëjmë atë që themi”! Kështu shkruan Veliaj në postimin e tij të shoqëruar edhe me foto, ndërkohë që të shumtë janë edhe komentuesit që e pëlqejnë dhe vlerësojnë këtë projekt.
Por pak kohë më pas, aktivisti Taulant Muka, publikon të njëjtat foto, që tregon se i përkasin Institutit të Artit Bashkëkohor në Boston.
“Edhe korpusi i ri universitar nje plagjiature! Me kete rast te ndryshojme dhe emrin e universitetit ne Universiteteti “Plagjiatura” dhe ne kete menyre “legalizojme” kopjen!”, shkruan Muka në postimin e tij./Opinion.al
