Kryebashkiaku Veliaj është përplasur me aktorin Neritan Licaj i cili në emër të Aleancës për Mbrojtjen e Teatrit u shpreh se nuk negociojmë një ligj që kërkon të tjetërsojë pronën publike. Liçaj u shpreh pro ndërtimit të një teatri të ri në një vend tjetër dhe pasi lexoi deklaratën u largua nga seanca dëgjimore që ka organizuar Veliaj.
Kryebashkiaku Veliaj la të kuptohet se Aleanca po përdoret politikisht nga Partia Demokratike. Ai u shpreh se kishte të fotografuar mesazhin që i erdhi Liçajt nga partia dhe se e dinte se pasi të lexonte deklaratën do të largohej nga tryeza.
Veliaj: Kjo që bëj sot është zgjedhja ime, dhe e di kush është mbrapa. Mos më merrni për budalla, e kisha në celular porosinë që mori (ai) nga partia, dhe do ta botoj, që ju të kuptoni se kush po i lëviz fijet, por kam zgjedhur të bëjë këtë rol, më quani si të doni, edhe pse i di të gjitha. Por sot do bëjmë një bisedë qytetare mes njerëzve që merren me këtë punë. Nëse ju thoni që jeni dakord për godinë tëre, të jenë pjesë e grupit, që prona të jetë e TK, jam gati, por sa prej artistëve janë dakord. Dhe kjo ndarje e artistëve me porosi politike është fyese.
Lexo edhe: Deklarata e Aleances ne Mbrojtje te Teatrit
*Dëgjesa live po transmetohet ne facebook nga Veliaj
