TIRANË- Debatet e Këshillit Bashkiak të Tiranës zhvendosen në natyrë. Teksa kryetari, Erjon Veliaj fliste për masterplanin e parkut të Liqenit shfaqet në podiumin e improvizuar këshilltari i djathtë i bashkisë, Leonard Olli i cili kishte takuar më herët familjet romet që u zhvendosen pak ditë më parë.
Olli: Urime për shown e bukur që po e zbukuroni qytetin me aksione me goditje të përqëndruar.
Veliaj: Ne besojme tek gjelberimi, jo tek banjot, nese keni nevojë për banjo e keni përballë.
Olli: Mbi të gjitha duhet të besoni tek e drejta e njerëzve për të jetuar.
Veliaj: Kush është dhuna?
Olli: Ja me fadroma, e dokumentuar…
Veliaj: Që pastrohet qyteti i thoni dhunë?!
Olli: Me dhunë policore ndaj romëve…
Veliaj: Qyteti do të gjelbërohet. Dashnorët e zhulit të shkojnë tek SHQUP-i, të dashurit e gjelbërimit do të rrinë këtu.
Olli: E keni gabim, ju jetoni në zhul moral dhe politik.
Veliaj: Kjo është e pasjellshme që po bën!
Olli: Unë ju dhashë dorën.
Veliaj: Do vijnë të luajnë edhe fëmijët e tu në një vend të gjelbëruar.
Olli: Respektoni të drejtën minimale të jetesës dhe të banesës!
Veliaj: Edhe fëmijët tuaj do të luajnë këtu…
Olli: Lerini ata fëmijë të shkojnë në shkollë, mos diskriminoni shtresat në nevojë, është e turpshme!
Veliaj: Edukata mësohet në shkollë nuk janë këtu që ta mësojnë. Më lini ta prezantoj!
Olli: Cfarë të prezantoni?
Veliaj: Kishit 4 vjet…ja vizioni juaj për qytetin (tregon me gisht mbeturinat)
Olli: Kalofshi mirë dhe Faleminderit
Veliaj: Gishtat përpjetë dhe aty ku duhet. Surprizë më të bukur për të treguar diferencë mes shpellës dhe qytetit ne nuk mund të kishim. Falenderoj nga zemra përfaqesuesit e shpellës dhe mezi pres që edhe fëmijët e tyre të vijnë dhe ti gëzohen një hapësire të gjelbër në Tiranë.
