Një tjetër privatizim i madh ndër institucionet shtetërore me rëndësi të veçantë po vjen. Bëhet fjalë për privatizimin e UKT-së.
Ka qenë vetë kryetari i Bashkisë Erion Veliaj i cili pranoi privatizimin e UKT-së ps lajmeve që dolën në media për këë shitje të bujshme.
“Kemi marrë disa oferta dhe shprehje interesi. Jemi ende në një proces negociatash dhe dua t’i garantoj qytetarët që do të bëjmë më të mirën, derisa të bindemi që kemi marrë ofertën më të mirë për UKT-në”, tha Veliaj.
Më tej ai nuk I kursei komplimentat. Sipas Veliajt fakti që ka oferta lidhet me punën e mirë të drejuesve të UKT. “Po kuotohet në treg falë perfomancës në rritje edhe arkëtimeve nga qytetarët”, tha Kryebashkiaku.
Ai ka garantuar qytetarët e Tiranës se nëse ky privatizim do të kryhet me sukses, ai do të ketë vetëm efekte më të mira në furnizimin me ujë të të gjitha familjeve dhe bizneseve, dhe nga ana tjetër nuk do të ketë asnjë ndikim në çmimin e ujit.
/Opinion.al
