Pas shkarkimeve masive të drejtorëve në disa bashki të vendit, kryeministri Edi Rama deklaron se se bashkitë Durrës, Shkodër, Korçë, Dibër, Fier, Lushnjë, Elbasan kanë hapur thirrjet që në postet vakante të aplikojnë profesionist të rinj.
Në rrjetet sociale, kreu i qeverisë shkruan se për bashkinë e Tiranës është konceptuar një mënyre e re drejtimit, pasi kryebashkiaku Erion Veliaj ndodhet në burg.
“Vlora që nisi e para po ecën me fazën e intervistave të të interesuarve, ndërkohë që në bashkëpunim me Institutin Tony Blair është konceptuar një strukturë e re organizative e Bashkisë Tiranë, e cila do të adoptohet edhe në bashki të tjera, për të forcuar shtyllat bazë të mirëqeverisjes vendore.”-shkruan Rama.
Postimi i Ramës
Bashkitë Durrës, Shkodër, Korçë, Dibër, Fier, Lushnjë, Elbasan dhe një sërë të tjerash kanë hapur tanimë thirrjet publike për aplikime për prurje të reja në drejtimin e sektorëve të ndryshëm të veprimtarisë së tyre.
APLIKONI me kurajo dhe besim
Vlora që nisi e para po ecën me fazën e intervistave të të interesuarve, ndërkohë që në bashkëpunim me Institutin Tony Blair është konceptuar një strukturë e re organizative e Bashkisë Tiranë, e cila do të adoptohet edhe në bashki të tjera, për të forcuar shtyllat bazë të mirëqeverisjes vendore.
Eshtë koha që bashkitë të fuqizojnë kontributet e tyre për Shqipërinë 2030 në Bashkimin Europian.
