Aktualitet

Veliaj-Metës: T’i bindet ligjit, të dekretojë zgjedhjet e pjesshme vendore


Bëhu pjesë e Grupit Zyrtar të Opinion.al
>> KËTU <<
               Publikuar në : 16:43 - 06/11/21 |
Opi Nion

Pas vendimit të Gjykatës Kushtetuese që legjitimoi zgjedhjet lokale të 30 qershorit 2019, Kryebashkiaku Erion Veliaj i është drejtuar me një thirrje Presidentit të Republikës, Ilir Meta, duke i kërkuar të dekretojë sa më parë datën e zgjedhjeve të pjesshme për bashkitë pa kryetar.

“Ne mezi presim dekretin e Presidentit për zgjedhjet lokale në Rrogozhinë. Gjykata Kushtetuese bashkë me Komisionin e Venecias na dhanë të drejtë që zgjedhjet e 2019-s ishin legjitime. Do të thotë që dhe anomalitë që lindën nga ato zgjedhje duhen adresuar”.

Për Veliajn, PS është ajo që ju  ka qëndruar pranë qytetarëve ndaj dhe shprehu bindjen se ne zgjedhjet e pjesshme vendore do të arrihet një rezultat fitues.

“Ne jemi gati sot që atë rezultat spektakolar në këto zgjedhje ta çojmë akoma më lart. Dhe ata që nuk na kanë votuar në Rrogozhinë, teksa na shohin ne sot, thonë: Ku e kam Titin, ku e kam Gridën se Etjeni qënka aty, Erjoni qenka aty, Edisoni qënka aty, Klodi qënka aty. Kështu që dhe ata do na votojnë…. Mezi pres që Presidenti më në fund t’i bindet ligjit, të dekretojë zgjedhjet në Rrogozhinë dhe unë ju garantoj se ne jo vetëm do të fitojmë në Rrogozhinë dhe Vorë, por ne do të fitojmë dhe rekordin e zgjedhjeve të prillit që ishte rezultati ynë më i madh historik në këto 30  vjet”.

Veliaj ka ftuar demokratët dhe simpatizantët e LSI që të bashkohen me PS si forca e duhur që ka në vëmendje qytetarin./Tv Klan

Pas