Kryebashkiaku Erion Veliaj e ka nisur me batuta fjalimin e tij në seksionin e dytë të Kongresit të Partisë Socialiste, që u zhvillua në sheshin “Nënë Tereza”.
“Kush na ka inat, kështu na paftë përnatë! Falënderoj nga zemra nënën time, bashkëshorten time, dy zonja që edhe në ditët më të vështira, më kanë qëndruar pranë duke pranuar se misioni ynë për të menaxhuar qytetin, është një mision jashtëzakonisht i rëndësishëm. Kajan e zuri gjumi, se është si shoku Gramoz, po nuk filluan gjërat në kohë, mban qëndrim”, ka thënë Veliaj.
Erion Veliaj ka deklaruar se pavarësisht zërave, marrëdhëniet e tij me Edi Ramën janë shumë të mira dhe janë më bashkë se kurrë.
“Kundërshtarët tanë, përpara se të bënin vetëvrasje politike, thoshin Erioni dhe Edi nuk i kanë punët mirë, nuk flasin. E vetmja shpresë që ata të kenë ndonjë shans është që në të grindemi, unë dhe Edi Rama jemi më bashkë se kurrë, më të fortë se kurrë, më të vendosur se kurrë që të çojmë përpara TIranën dhe ai të çojë përpara Shqipërinë”, tha Veliaj.
Ai ka thumbuar edhe Partinë Demokratike, duke thënë se shumë mbështetës të saj kanë kaluar me Partinë Socialiste dhe do ta mbështesin në zgjedhjet lokale. “Mirëseerdhët në familjen tonë, ndihuni si në shtëpi, faleminderit që na u bashkuat”, u shpreh ai./Opinion.al
