Kreu i bashkisë së Tiranës Erion Veliaj, ndërsa vijon fushatën elektorale të 14 Majit, nga Lagja 12 në Dajt ka ironizuar opozitën dhe koalicionin Berisha-Meta.
“Atyre nuk u ka humbur vetëm vula, ju ka humbur edhe emri, nuk u ka ngelur njeri”, tha ndër të tjera Veliaj duke kujtuar faktin, që KQZ nuk regjistroi me emër koalicionin “Bashkë fitojmë”.
“Ne e kemi me dy njerëz që jo vetëm që ju ka ikur vula, por i ka ikur dhe emri. Saliut dhe Ilirit i ka ikur edhe emri. Ju do të thoni çfarë emri u ka ikur? E keni parë atë fletën e votimit? Aty thotë Partia Socialiste, kryetar Edi Rama; thotë Partia PDIU, kryetar Shpëtim Idrizi; thotë Partia Agrare, kryetar Agron Duka; thotë “Bashkë fitojmë”, emri bosh. E dini pse është emri bosh? Po të vendosin emrin e Ilir Metës, që është zyrtarisht personi që e drejton punën me letra, se ai i ka letrat, mërziten demokratët, se Ilir Meta është non grata për demokratët. Po të vendosin Saliun, nuk e pranojnë në zgjedhje sepse është ‘non grata’”, u shpreh ai./Opinion.al
