Deklaratave të kryetares së Bashkisë së Shkodrës, Voltana Ademi nismës së Bashkisë së Tiranës për ekspozimin e “Heronjve të Popullit” në Bulevardin Dëshmorët e Kombit i është përgjigjur kryebashkiaku Veliaj.
“Fatkeqësisht në Tiranë në bulevardin kryesor të qytetit janë të varura shumica e atyre njerëzve që kanë persekutuar dhe kanë bërë edhe krime ndaj njerëzimit në sistemin komunist. Nuk mund të qëndrojnë në një vend edhe persekutorët dhe të persekutuarit. Kemi nevojë të themi të vërtetën, të vëmë pikat mbi “i”. “ deklaroi Voltana Ademi.
Por Erion Veliaj iu përgjigj Ademit në rrjetin social Twitter.
“Kane një shprehje epike tironcit “graj gamorin tat” o goce!” shkruan Veliaj.
Kane nje shprehje epike tironcit “graj gamorin tat” o goce! ?
‘Rikthimi i heronjve’ në Bulevard/ Voltana Ademi: Nuk mund të qëndrojnë https://t.co/sUu54Vh8ZX
— Erion Veliaj ?♂️?⚽️?? (@erionveliaj) November 4, 2019
Ekspozita e 100 portreteve të personave që mbajnë titullin “Heroi i Popullit” ka ngjallur një debat në vend ku një pjesë e historianëve vendosin në pikëpyetje rolin e disa prej personave të zgjedhur.
Drejtori i Institutit të Krimeve të Komunizmit, Agron Tufa është shprehur se mes këtyre figurave ka persona që i kanë shërbyer sigurimit të shtetit dhe nga ata që janë vrarë pas lufte.
Drejtori i Arkivit të Shtetit Ardit Bido ka thënë se ka ardhur koha që të analizohen titujt e heronjve pasi ka emra të cilët nuk duhet të jenë. Në këtë ekspozitë janë përzgjedhur 100 nga rreth 3500 persona që kanë titullin “Hero i Popullit” sipas tij.
Ndërsa historiani dhe Drejtori i Akademisë së Studimeve Albanologjike Maringlen Verli ka shprehur mendimin se prezantimi i i heronjve dhe i figurave të tilla kërkon një analizë të hollësishme para se të publikohen. /Opinion.al
