Kryetari i Bashkisë së Tiranës Erion Veliaj deklaron se në Tiranë do të nisë zbatimi i projektit të linjës së shpejtë të autobusëve, “Bus Rapid Transit”.
Gjatë prezantimi të Buxhetit 2024., kryebashkiaku tha se Presidenti Bajram Begaj ka dhënë autorizimin për të marrë grantin nga KFË-ja dhe GIZ-i gjerman, për të kaluar në zbatimin e sistemit ekspres të autobusëve.
Sipas tij, autobusët do të kenë korsi të dedikuar për tre linja Unaza, Kombinat-Kinostudio dhe Tirana e Re.
“Presidenti i Republikës na ka dhënë autorizimin për të marrë grantin nga KFË-ja dhe GIZ-i gjerman, për të kaluar në zbatimin e sistemit ekspres të autobusëve. Jo vetëm me autobusë të rinj, por edhe me korsi të dedikuara, ku nuk lejohen makinat. Shumë shpejt do të fillojmë zbatimin e projektit për 3 linjat: Unazën, Kombinat-Kinostudio dhe Tiranën e Re”,-tha Veliaj.
