Ditën e djeshme u njoftua se Patriarku i Kishës Ortodokse Serbe (SOC) Irinej humbi jetën pasi ishte infektuar me COVID-19.
Irinej u shtrua në një spital ushtarak të Beogradit gjatë mbrëmjes së 4 nëntorit, pasi më parë kishte dalë pozitiv në COVID-19, por për shkak të komplikacioneve që shkakton virusi nuk mundi të mbijetojë.
Ndërkohë, vdekjen e Irinej Peshkopi serb Teodosije e ka konsideruar një dhimbje të madhe për popullin serb. Në reagimin e tij ai nuk ka lënë pa përmendur edhe Kosovën, duke thënë se Irinej ua ka lënë “amanet” çështjen e Kosovës.
“Ashtu si Sinodi i Shenjtë i Ipeshkvijve, patriarku ynë gjithmonë ka theksuar se ne nuk duhet të heqim dorë nga toka jonë e shenjtë, Jeruzalemi, Prizreni ynë, Patriarkana e Pejës, Deçanit, Graçanicës, është zemra dhe shpirti ynë. Po, nëse heqim dorë nga Kosova dhe Metohia dhe nëse largohemi nga këto toka të shenjta, nuk do të ekzistojmë më, nuk do të jemi më ata që kanë qenë paraardhësit tanë dhe shenjtorët tanë dhe do të bëhemi diçka krejtësisht e ndryshme, e huaj për ne dhe jo e veçantë për ne”, tha Peshkopi Teodosije.
Kreu i Kishës Ortodokse Serbe, Patriarku Irinej njihej për ndikimin politik që kishte në Serbi dhe deklaratat kundër shqiptarëve./ Opinion.al
