Një shqiptar ka vdekur në Itali, teksa ishte në ndjekje nga policia për shkak se kishte vjedhur një makinë. Ai eshte Besnik Tafaj, 27 vjeç.
Ngjarja ka ndodhur në rajonin e Breshias kur shqiptari po udhëtonte me një automjet tip “Audi A8”, e cila ishte vjedhur pak ditë më parë në Kazalmaxhore (Bologna).
Shqiptari ka qëlluar katër herë me armë në drejtim të policisë, teksa dyshohej se ishte pjesë e një bande ndërkombëtare të vjedhjes së makinave, shkruan “Ilgiorno.it“.
Ai u ndoq në distancë nga policia rrugore dhe karabinierët, ndërsa u gjet i vdekur në makinën luksoze.
Mediat italiane shkruajnë se plumbi e goditi shqiptarin në pjesën e mjekrës duke i shkaktuar vdekjen përpara se ambulanca të mbërrinte.
Duke marrë parasysh drejtimin se shtënies së plumbit, dyshohet se ai është vetëvrarë. Arma nga e cila u shkrepën plumbat ishte një Baretta 84 e vjedhur kohët e fundit.
