Një zjarr i madh ka rënë në një qendër tregtare në qytetin rus Kemerov, ku sipas raportimeve të deri tanishmet janë të paktën 20 të vdekur dhe 70 të plagosur, ku mësohet se kanë humbur jetën katër fëmijë.
Zjarri thuhet se shpërtheu në katin e katërt ku ka një kinema dhe një qendër argëtimi për fëmijët.
Komiteti hetimor rus ka njoftuar se katër fëmijë humbën jetën nga zjarri, por nuk bënë të ditur nëse ata ishin djegur apo ishin asfiksuar nga tymi.
Agjencia ruse e lajmeve Tass raporton se 9 persona janë të shtruar në spital.
Zjarri shpërtheu në qendrën tregtare “Zimanjaja vishnja”, në Kemerov që ndodhet 3.000 kilometra në lindje të Moskës.
Ende nuk dihet çfarë e shkaktoi zjarrin.
