Observatori sirian për të drejtat e njeriut ka informuar, se kreu i grupit militant të Shtetit Islamik (ISIS), Abu Bakr al-Bagdadi, ka ndërruar jetë ditën e sotme.
“Ne jemi informuar për vdekjen e tij nga një prej aktivistëve tanë në Deir Ezzor, ata na konfirmuan se Bagdadi ka vdekur”, – thotë Rami Abdelrahman, drejtor i SOHR.
Ai nuk mundi të konfirmojë se si kreu i ISIS ishte vrarë, por tha se ndodhi afër kufirit me Irakun. Si pasoj e mungesës së provave autoritetet përkatëse nuk e kanë deklaruar të vërtet vdekjen e Bagdadit.
Zyrtarët irakianë besojn se Bagdadi kishte ikur nga Mosuli para se të fillonte një luftë, nga Iraku për të rimarrë qytetin, duke u fshehur në zonat e kontrolluara nga ISIS që mbivendosnin kufirin iraken-sirian. Ai është një nga ekstremistët më të kërkuar në botë dhe qeveria e SHBA ka vënë një shumë prej 25 milionë dollarësh në kokën e tij për çdo informacion që çon në kapjen ose vdekjen e tij.
