Ka ndërruar jetë mëngjesin e sotëm shoferi i ambulancës, i cili gjatë gjithë natës transportoi të lënduarit nga zjarri i tmerrshëm në Koçan.
Kolegët dhe punonjësit në Spitalin e Përgjithshëm të Koçanit, pas tronditjes së djeshme, mëngjesin e sotëm i japin lamtumirën e fundit Ile Gocevskit i cili për shumë vite punoi në Emergjencën e Koçanit.
Siç transmeton portali “Metropola”, Gotsevski ndërroi jetë pasi kishte shkuar në shtëpi për të pushuar pas një dite të vështirë dhe të gjatë duke transportuar persona të lënduar.
Në zjarrin e tmerrshëm që ka ndodhur natën e së shtunës për të dielën në diskotekën e Koçanit “Pulse”, deri më tani kanë humbur jetën 59 persona dhe mbi 150 janë lënduar. Mbi 50 persona të lënduar janë transportuar jashtë vendit për mjekim.
