Ish-diktatori i Bangladeshit, Hussain Muhammad Ershad – i cili kishte ardhur në pushtet përmes një puçi ushtarak më 1982 – ka vdekur në moshën 91-vjeçare.
Ish-presidenti ndodhej në spital që nga fundi i muajit qershor, pasi kishte pasur probleme shëndetësore.
Shefi i Ushtrisë, që ishte shndërruar në president, kishte udhëhequr me Bangladeshin nga viti 1982 deri më 1990.
Ai u largua nga posti i presidentit, pasi u përball me trazira masive më 1990 dhe më pas u dërgua në burg. Por, Ershad arriti që të mbetet aktiv në skenën politike të Bangladeshit, deri në fund të jetës së tij.
Ai ishte lider i opozitës në përbërjen aktuale të Parlamentit.
