Një 24 vjeçar ka ndërruar jetë në banesën e tij në lagjen e “Don Boskos” në Tiranë. Vdekja e tij mbetet e dyshimtë pasi 4 ditë më parë kishte marrë mjekim në spitalin universitar të Traumës.
Shkak për vdekjen e tij dyshohet të jetë bërë hemorragjia e brendshme, ndërsa pritet që autopsia të zbardhë edhe shkaqet e vdekjes, tha policia. Paraprakisht dyshohet se në momentin kur ka ndërruar jetë i riu të ketë qenë edhe nën efektin e alkoolit.
“Nga veprimet e kryera rezulton, se më datë 28.11.2016, E.Dh 24 vjeç ka marrë ndihmë mjekësore në Qendrën e Traumës. Materialet u referuan në Prokurorinë e Rrethit Gjyqësor Tiranë, për vlerësim”, njoftoi policia e Tiranës.
